ഒരു പ്രമുഖ മലയാള ചാനലിലെ റിയാലിറ്റി ഷോയുടെ നിലവാരം കാരണം പാവപെട്ട , പ്രത്യേകിച്ചു രാവിലെ 'അർഷഭാരതവും' ഉച്ചക്ക് 'പ്രബുദ്ധകേരളവും' രാത്രിയിൽ 'സംസ്കാരപാരമ്യതയും' കഴിച്ചു സ്വന്തം കാര്യം മാത്രം നോക്കി കിടന്നുറങ്ങുന്ന മലയാളികൾക്ക് ജീവിക്കാൻ വയ്യതെയായിരികുന്നു. കൃത്യം 8 മണിക്ക് ടി.വി തന്നെത്താനെ ഓണ്‍ ആവുന്നിടതാണ് തുടക്കം. പിന്നെ ഒരു മണിക്കൂർ ഈ മലയാളികൾ അനുഭവിക്കുന്ന ദുരിതം കണ്ടാൽ സഹിക്കാൻ കഴിയില്ല. എന്നാൽ ആ ചാനൽ ഒന്ന് മാറ്റമെന്ന് വെച്ചാലോ അതിനൊരു ഉപകരണം കണ്ടു പിടിചിട്ടുമില്ല. പിന്നെ എന്ത് ചെയ്യും. സഹിക്കുക തന്നെ. (വേറെ മുറിയിൽ പോയ്കൂടെ ന്നോ?, ഛെ,അനാവശ്യം പറയുന്നോ!). മെഗാ സീരിയൽ ഒക്കെ കണ്ട് പിള്ളേരൊക്കെ നന്നായി വരുകയായിരുന്നു. ഇനി അവരും കൂടെ വഴി തെറ്റി പോവും. (എങ്കിൽ പിന്നെ 8 മണിക്ക് പിള്ളാരെ വേറെ എന്തേലും ചെയ്യിപ്പിച്ചു കൂടെ?, ഉദാ: പഠനം?, സാധ്യമല്ല. 8 മണി മുതൽ 9 മണി വരെ അവർ സ്വാധീനിക്കപെടേണ്ട സമയം ആണ്). ഈ പാവങ്ങളുടെ കഷ്ടപാട് കാണാൻ ആരുമില്ലേ? ഈ പരിപാടി നിർത്തലാക്കണം, കഴിയുമെങ്കിൽ ടി.വിയും. ഇല്ലെങ്കിൽ ചൊവ്വയിൽ നിന്നോ വല്ലതും ഇഷ്ടമില്ലാത്ത പരിപാടി വരുമ്പോ നിർത്താനോ , ചാനൽ മാറ്റാനോ പറ്റുന്ന ഒരു ഉപകരണം കൊണ്ടുവരണം!
No comments:
Post a Comment