Recipe : 'സ്പാനിഷ്‌ മസാല'
______________________________
ആവശ്യമായ സാധനങ്ങള്‍:
ദിലീപ് - 1
ആഹാര പ്രിയനായ നിര്‍മാതാവ്- 150 കിലോ
നളദമയന്തി - കാല്‍ ഭാഗം
പ്രഭുദേവയുടെ ഏതോ തമിഴ് സിനിമ - അര കഷണം.
കുഞ്ചാക്കോ ബോബന്‍- 1
വിദേശ വനിത -1
അമ്മനടിമാര്‍- 2 എണ്ണം
കോമഡി നടന്മാര്‍- വില കുറഞ്ഞ ഒരെണ്ണം.
ബിജു മേനോന്‍ - ആവശ്യത്തിന്
ഉണ്ടാക്കുന്ന വിധം:
ചൂടാക്കിയ പാത്രത്തിലേക്ക് ദിലീപിനെ ഇടുക. വെന്തു വരുമ്പോള്‍ നളദമയന്തി ചേര്‍ത്ത് ഇളക്കുക. ഒരു അമ്മനടിയെയും വിദേശ വനിതയെയും അല്പം ബിജു മേനോന്‍, കോമഡി നടന്‍ എന്നിവരെയും ചേര്‍ക്കുക. പാകമായി വരുമ്പോള്‍ മുന്‍പ് ആരോ തയാറാക്കി വെച്ചിരുന്ന തമിഴ് സിനിമ ചേര്‍ത്ത് നല്ലതുപോലെ ഇളക്കുക.കൂട്ടത്തില്‍ കുഞ്ചാക്കോ ബോബനെയും ബാക്കി വന്ന അമ്മ നടിയും ചേര്‍ക്കാം.അവശ്യം പോലെ ബിജു മേനോന്‍ ചേര്‍ക്കാന്‍ മറക്കരുത്. രണ്ടും കയ്യില്‍ നിന്ന് പോയി കഴിയുമ്പോള്‍ സ്പൂണ്‍ ഇട്ടു ഒന്ന് ട്വിസ്റ്റ്‌ ചെയ്യുക.അവശ്യം കഴിഞ്ഞ കുഞ്ചാക്കോ ബോബനെ എടുത്തു കളയുക.
വേറെ പാത്രത്തിലേക്ക് മാറ്റിയ ശേഷം നിവിന്‍ പൊളി അര്‍ച്ചന കവി എന്നിവ ചേര്‍ത്ത് അലങ്കരിക്കാം.
ചൂട് സ്പാനിഷ്‌ മസാല റെഡി. ഇനി എടുത്തു പുറത്തേക്കു കമഴ്ത്തികൊളു.
PS : DVD കണ്ടതാണ്. ഇത് ഞാന്‍ ഇങ്ങനെയെങ്കിലും ഉപയോഗിച്ചില്ലെങ്കില്‍ എന്റെ രണ്ടര മണിക്കൂര്‍ :(
No comments:
Post a Comment